Sco persunas da confidenza

Sch'insatgi ha in problem cun gieus da fortuna, po quai avair grondas consequenzas sin l'ambient social ed en spezial sin la famiglia. Persunas cun ina dependenza dal gieu dementeschan savens d'avair in problem.

Dependenza da gieus da fortuna è discreta. Ins na la po ni savurar ni vesair. I dat dentant intgins indizis sco problems finanzials, mancanza da temp u temas. Sut caracteristicas distinctivas chattais Vus differents indizis che pon render attent ad in problem da gieus da fortuna.

Sche Vus essas preoccupada u preoccupà, duessas Vus prender la situaziun fitg seriusa e discurrer cun la persuna pertutgada. Exprimi Voss quitads e declerai, che Vus avais vesì midadas en il cumportament da la persuna. Supplitgai la persuna da midar ses cumportament e la encuraschai da sa laschar cussegliar.

N'emprestai mai daners ad ina giugadra u in giugader da gieus da fortuna! Sche Vus faschais quai, na gida quai betg a la persuna pertutgada. Sche Vus avais problems finanzials, duessas Vus as drizzar ad ina cussegliaziun da budget. Schai er a la persuna pertutgada ch'ella duai sa drizzar ad ina cussegliaziun da budget.

As occupai da Vus e da Voss uffants uschè bain sco Vus pudais. Protegi Voss agens daners. Tschertgai agid, sch'il stress daventa memia grond.