Scroll
È mes cumportament en il gieu anc ok?
Jau giog mo mintgatant en mes temp liber
- Hajas tuttina in plan: Fixescha ordavant quant temp e daners che ti vuls maximalmain investir en il giugar. Tge fas ti cun gudogns? Investeschas ti puspè els en il gieu u chalas ti da giugar?
- Enconuscha il gieu: T'infurmescha ordavant davart las schanzas da gudagnar ed ils mecanissems da giugar. En il sectur da protecziun dals giugaders pos ti metter limitas persunalas da temp e d'expensas tar tut ils casinos online svizzers.
- Interrumpa da temp en temp il gieu: Metta da la vart tes telefonin, va davent da tes computer e fa insatge auter. Pausas gidan a betg restar en il gieu ed a dar aria al chau.
Jau giog propi vaira bler
- Gioga mo, sch'i va bain cun tai: Vai bain cun tai u ta sentas ti sulet, anguschà u stressà? Attenziun: Sch'ins gioga, cura ch'ins è en in nausch stadi, na prendan ins savens naginas bunas decisiuns. E sche ti giogas, pervia ch'i na va betg bain cun tai, sajas conscienta u conscient, ch'il giugar na vegn a schliar nagin da tes problems.
- Metta limitas: Fixescha ordavant quant temp e daners che ti vuls maximalmain investir en il giugar. Co vai cun tai, sche ti perdas? Emprovas ti da gudagnar enavos ils daners pers? Gioga mo cun daners che ti na dovras betg per la vita quotidiana, sco per exempel per mangiar.
- Time-out: Gieus online porschan novas ristgas. Al telefonin ed al computer èn gieus da fortuna adina disponibels. Fa pausas e metta davent l'apparat. Las cifras èn daners reals: Mintgatant n'èn ins gnanc conscienta u conscient tar il gieu al telefonin u al computer ch'ins gioga per vairs daners.
Plaschair na ma fai gia daditg betg pli!
- Il pretsch dal giugar: Curras ti suenter al grond gudogn e perdas latiers adina dapli daners? Sche ti na ta diverteschas betg pli cun giugar, e quai in indizi, che ti has perdì la controlla sur il gieu. Giugar è daventà in sforz per tai e ti negligeschas perquai probablamain tia lavur, tia famiglia e tes amis.
- Blochescha tatezza u tatez da giugar: Sch'i daventa memia bler per tai ed il giugar ta deprimescha, pos ti bloccar tatezza u tatez da giugar. Online pos ti decider sezza u sez, sur tge perioda che ti vuls ta bloccar.
- Tschertga agid: Sch'i na ta va betg bain pervia dal giugar e sche ti has perdì la controlla. Ta lascha cussegliar. Ti pos t'annunziar tar ina cussegliadra u in cussegliader en tes chantun da domicil, u ta laschar cussegliar tras nus en moda anonima en scrit u per telefon.